პროექტი „უარი ნიკოტინს“.

პროექტის სახელწოდება --  „უარი ნიკოტინს“.

დღეს თანამედროვე ცხოვრებაში,  პრობლემური საკითხების ჩამონათვალი ძალიან ბევრია, მათ შორის გამორჩეულად დიდი პრობლემაა „თამბაქოს მოწევა“. თამბაქოს მოწევა შეიძლება მივიჩნიოთ ერთ-ერთ ყველაზე დიდ ეპიდემიად, რის წინაშე მსოფლიო საზოგადოება დგას. მსოფლიო ჯანდაცვის ორგანიზაციის მონაცემებით, თამბაქოს მოწევისაგან მსოფლიოში ყოველწლიურად დაახლოებით 3-4 მილიონი ადამიანი იღუპება, საქართველოში კი 8-12 ათასი, ანუ კლავს საკუთარი მომხმარებლის თითქმის  ნახევარს. ასევე იღუპება არამწეველი ადამიანებიც, რომლებიც თამბაქოს კვამლის ხშირად შესუნთქვით არის გამოწვეული. საქართველოში ბევრი მწეველია, მათ შორის  „თამბაქოს მოწევა“ საგანგებოდ მაღალია - მოზარდებში.

პროექტის მთავარი იდეა: მიუხედავად შემაშფოთებელი სტატისტიკისა, გამაფრთხილებელი წარწერებისა სიგარეტის კოლოფზე, რომ „მოწევა კლავს“, მწეველთა რიცხვი არ მცირდება. ჩვენი იდეა იმაში მდგომარეობს, რომ  მოსწავლეებმა დაინახონ, გაიაზრონ, რა უარყოფითი შედეგები მოჰყვება მოწევას, რომელიც  უმახინჯებს და უნგრევს ჯამრთელობას ჩვენს მომავალ თაობებს და  გააცნობიერონ ეს პრობლემა, გააცნონ ის თანასკოლელებს.

პროექტის აქტუალობა: ჩვენს საზოგადოებაში, ირგვლივ, ჯეროვნად არ შუქდება - ინფორმაციის ნაკლებობაა ნიკოტინის მავნებლობზე. თამბაქოს მწეველები უდიდეს ზიანს აყენებენ როგორც საკუთარ თავს, აგრეთვე გარემოს, მოწეულ სიგარეტს ისინი ყრიან ყველგან, რითიც ბუნებას აბინძურებენ, რომელშიც შემდეგ მომავალ თაობასა და ჩვენ გვიწევს ცხოვრება.

პროექტის მიზნები:  დავიცვათ ჩვენი მომავალი თაობები ასეთი მავნე ჩვევებისაგან, მიიღონ ცოდნა ნიკოტინის უარყოფითი გავლენის შესახებ, შევცვალოთ დამოკიდებულება მწეველობის მიმართ, რათა შემცირდეს მწეველ მოზარდთა რაოდენობა, რომლებსაც გააზრებული არ აქვთ, თუ რა უარყოფით შედეგს იწვევს ნიკოტინი.

ღონისძიებები და დაგეგმილი საქმიანობები:
Ø  ჯგუფების შექმნა და საქმიანობების გადანაწილება; (2დღე)

Ø  მიზნის გაცნობა; (1 დღე)

Ø  პროექტის ეტაპებზე პასუხისმგებელი პირების შერჩევა;

Ø  სამუშაო შეხვედრები მშობლებთან და მასწავლებელთან;
Ø  ინფორმაციის მოძიება ინტერნეტსივრცეში, მოძიებული ინფორმაციის შენახვა, დახარისხება ( 3 დღე)
Ø  ქუჩის გამოკითხვა, ინტერვიუები - ( 3 დღე)
Ø  პრეზენტაციების მომზადება პროგრამაში Powerpoint; ( 4 დღე)
Ø  ბუკლეტის ელქტრონული  ვერსიის მომზადება და დაბეჭდვა; (5 დღე)
Ø  პროექტის პრეზენტაციის მოწყობა და ბუკლეტების დარიგება. (ნოემბერს 18- 21  რიცხვისთვის)

სპეციალური საჭიროებები
Ø  მივცემ დამატებით დროს კვლევის ჩასატარებლად;
Ø  დავურიგებ პროდუქტების შაბლონებს, როგორიც არის, მაგალითად, ბუკლეტის შაბლონი პროექტის წარმატების ხელშესაწყობად;
Ø  მივცემ მითითებებს წყაროების მოძიების შესახებ;
Ø  მოსწავლეებს ჯგუფებად დავყოფ მათი საჭიროებებისა და უნარების მიხედვით;
Ø  ვთხოვ მოსწავლეს, შეასრულოს ლიდერის როლი ჯგუფებში მუშაობისას;
Ø  ნებას დავრთავ მოსწავლეებს, შემომთავაზონ თავიანთი  დავალებები, რომლებიც ჩემს მიერ მიცემული დავალებების ეკვივალენტურია.
Ø  მივცემ მოსწავლეებს საშუალებას, რომ პროექტის განმავლობაში სირთულის დონე თავად აირჩიონ.
შეფასების გეგმა/ინსტრუმენტები
პროექტის მსვლელობისას მოვახდენ დაკვირვებას მოსწავლეთა ჯგუფების მუშაობაზე, თითოეული მოსწავლის როლსა და მიღწეულ შედეგზე, რათა მონიტორინგი გავუწიო სამუშაოს მსვლელობას. საჭიროების შემთხვევაში მივცე მათ დროული და კონსტრუქციული უკუკავშირი. პროექტის დასასრულს მოხდება შეფასება პროექტის შეფასების რუბრიკით, რომელსაც ექნება განმავითარებელი ხასიათი. შეფასდება თითოეული მოსწავლის ჩართულობა პროექტის მსვლელობაში და მოხდება მოსწავლეთა ჯგუფური მუშაობის თვითშეფასება კითხვარის გამოყენებით. თვითშეფასების კითხვარი მოსწავლეებს დაეხმარება შეძლონ შეაფასონ თავიანთი როლი და შეტანილი წვლილი პროექტზე მუშაობის განმავლობაში. ეს მათ მომავალში პროექტზე მუშაობის დაგეგმვაში დაეხმარება. დადებითი და უარყოფითი მხარეების გამოვლენა კი მე, როგორც პროექტის ხელმძღვანელს, დამეხმარება მომავალში პროექტზე მუშაობის გაუმჯობესებაში.
მონაწილე მოსწავლეთა ასაკი: 12-13 წელი;
პროექტის ხელმძღვანელი - ლეილა ჭელიძე,  მასწავლებელი N180 საჯარო სკოლა;
რამოდენიმე მშობელი.
ვადები/ ხანგრძლივობა:  23.10 – 23.11   (ერთი თვე)

მოსალოდნელი შედეგები/პროდუქტები რაც შეიძლება შეიქმნას:  მოძიებული ინფორმაცია (ამობეჭდილი); პრეზენტაცია power point –ში, გამოკითხვის შედეგები; დოკუმეტური ფილმის ნახვა,  კედლის გაზეთი, ბუკლეტები.

პროექტისათვის საჭირო ძირითადი რესურსები: კომპიუტერი, ინტერნეტი, პრინტერი, თაბახის ფურცლები, ფორმატი, ფერადი ფლომასტერები/ მარკერები.

პროექტის მსვლელობა(ძირითადი აქტივობები):

1) მოსწავლეები ინტერნეტში  მოიძიებენ ინფორმაციას თამბაქოს შესახებ, იმ უარყოფითი შედეგების შესახებ, რაც მოწევას მოსდევს, ქვეყანაში მწეველთა სტატისტიკის შესახებ. 

2) აკეთებენ პრეზენტაციას powerpoint- ში, რისთვისაც დამატებით  იძიებენ ფოტოებს.

3) ჩაატარებენ  გამოკითხვას ისანი სამგორის მასშტაბით მოზარდებში და

დააფიქსირებენ  მწეველთა რაოდენობას. 

4) გამოკითხვის კითხვარი.

5) მოიძიებენ ინტერნეტში დოკუმენტურ ფილმს მწეველებზე და მოაწყობენ ჩვენებას.

6) დაბეჭდავენ ბუკლეტებს და დაარიგებენ

7) გააკეთებენ კედლის გაზეთს სადაც განათავსებენ ძირითად სათქმელს.

   

       კითხვარი -  გამოკითხვა:

1)      რამდენი წლის ხარ? 

- - - - - - - - - - - - - - - - - - - - - - - - - - - - - - - - - - - - - - -

2)      რამდენი ხანია რაც მოიხმარს თამბაქოს?

- - - - - - - - - - - - -  - - - - - - - - - - - - - - - - - - - - - - - - - -

3)      რამ გიბიძგა თამბაქოს მოხმარებისკენ?

- - - - - - - - - - - - -  - - - - - - - - - - - - - - - - - - - - - - - - -

4)      თავის დანებება არ გიცდია?

- - - - - - - - - - - - -  - - - - - - - - - - - - - - - - - - - - - - - - - -

5)      იცი თუ არა რომ ჯამრთელობას გიზიანებს?

- - - - - - - - - - - - -  - - - - - - - - - - - - - - - - - - - - - - - -

6)      იცის თუ არა, რომ არა მწეველებს  ჯამრთელობას აზიანებს?

- - - - - - - - - - - - -  - - - - - - - - - - - - - - - - - - - - - - - - - -

7)      მოიხმარს თუ არა თამბაქოს თქვენი ოჯახის წევრები?

პროექტის მოსალოდნელი მოკლევადიანი შედეგები: მოსწავლეები დაინახავენ, რამდენად  მნიშვნელოვანია, რომ ყველამ გააცნობიეროს პრობლემის არსი, მიხვდნენ როგორ დამღუპველია მოზარდისათვის ასეთი მავნე ჩვევები. საჭიროა საზოგადოებამ გამოიჩინოს ერთსულოვნება, ამ დიდი პრობლემის ჩაწვდომაში, რათა ყველამ იგრძნოს პასუხისმგებლობა, მომავალი თაობების წინაშე.

რამდენიმე არგუმენტი, თუ რატომ არ უნდა მოწიოთ თამბაქო!

·         ერთი წვეთი ნიკოტინი კლავს საშუალო წონის ადამიანს!

·         თამბაქოს კვამლში შემავალი 40 ნივთიერება(კარცეროგენი) იწვევს სხვადასხვა სიმსივნეებს.

·         მიუხედავად მარკის, ფასის, ხარისხის არ არსებობს ჯამრთელობისათვის უვნებელი თამბაქო პროდუქცია.

პროექტის მოსალოდნელი გრძელვადიანი შედეგები: ეს პროექტი ხელს შეუწყობს საზოგადოების გამოფხიზლებას, ყველა ჩაერთოს პრობლემის წინააღმდეგ ბრძოლაში, რათა თვალი გაუსწოროს ამ უდიდეს გამოწვევას,  მოუწოდოს დღევანდელ ახალგაზრდობას და არა მარტო მათ, რომ თავი დააღწიონ ამ მომაკვდინებელ სენს, თუ სურთ რომ იცხოვრონ ჯამრთელ და სუფთა გარემოში.

იხილეთ პრეზენტაცია ბმულზე

რეფლექსია-პროექტი 

„უარი ნიკოტინს“

 პროექტი სახელწოდებით: „უარი ნიკოტინს“, აქტუალურად ჩავთვალ ამ მავნე ჩვევის გავრცელების  გამო და გადავწყვიტე ჩავბმულიყავი ამ პროექტში  მოსწავლეებთან,  რამდენიმე მშობელთან ერთად,  რათა  მიზნები და ამოცანები, ერთად დაგვესახა, რადგანაც შემაწუხა იმ ხშირმა ფაქტმა, რაც ჩვენს ირგვლივ ხდება, როცა დავინახე, თუ რამდენი მოსწავლე შემხვდა სიგარეტით  ხელში ქუჩაში, პარკში, ასევე თუ რამდენი იყო გოგონაც მათ შორის. შემზარავია ფაქტი, თუ რამდენი მოზარდი ეწევა და ინგრევს ჯამრთელობას. 

  ამ პროექტით, მინდოდა  ცოტა ხნით მაინც მიმეპყრო საზოგადოების ყურადღება, ამ დიდი პრობლემის მიმართ, მეჩვენებინა, რომ ეს ჩვენი, ყველას პრობლემაა, რომ ერთად უნდა ვებრძოლოთ და გადავარჩინოთ ჩვენი შვილები, მომავალი თაობა მავნე ჩვევისაგან.  მოვუწოდეთ დღევანდელ ახალგაზრდობას და არა მარტო მათ, რომ თავი დააღწიონ ამ მომაკვდინებელ სენს. თუ სურთ ჯანმრთელ და სუფთა გარემოში ცხოვრება.

პროექტი გეგმის მიხედვით წარიმართა თუმცა იყო მცირეოდენი ხარვეზი, იყო  პატარა ინციდენტი, აგრესია მწეველებისაგან, როდესაც გამოგვართეს ბუკლეტები და დახიეს.

სასურველია კვლავაც გავაგრძელო მუშაობა ამ მიმართულებით, საზოგადოების წევრებთან ერთად.